Teis lembra a Abelardo Collazo Araujo no 46.2 aniversario da súa morte
Placa en homenaxe a Abelardo Collazo Araujo Colocada por iniciativa popular en Teis (Vigo), o 29 de agosto de 2026
Por Miguel Hernández Bernárdez
Veciños, veciñas e compañeiros reuníronse este sábado 29 de agosto na Plaza do Mercado de Teis, en Vigo, onde se colocou simbolicamente unha placa co seu nome e se leu un comunicado en lembranza da súa traxectoria.
A Praza do Mercado de Teis acolleu este sábado, ás sete da tarde, un acto de homenaxe a Abelardo Collazo Araujo, coincidindo co 46.2 aniversario da súa morte, ocorrida en Madrid o 29 de agosto de 1980.
O encontro desenvolveuse dun xeito sinxelo e popular, sen escenario nin megafonia. As persoas asistentes reuníronse na praza do barrio no que vivira Abelardo e participaron nun acto de lembranza no que se colocou unha placa co seu nome.
Durante a homenaxe deuse lectura en voz alta a un comunicado en galego que lembrou a súa traxectoria política e a súa vinculación co movemento comunista e obreiro. O texto destacou especialmente a súa participación, xunto con outros militantes galegos, nos debates e organizacións comunistas daqueles anos.
Segundo o comunicado lido durante o acto, Abelardo Collazo, xunto con Fernando Hierro e outros compañeiros, desempeñou un papel na ruptura política coas posicións do PCE dirixido por Santiago Carrillo e participou posteriormente na creación de Organización Obreira, organización que, segundo o propio texto, dirixiu a folga revolucionaria de 1972.
O comunicado tamén destacou a defensa que Abelardo facía da unidade entre os comunistas galegos e os do resto do Estado e lembrou a súa participación no Congreso Reconstitutivo do PCE(r), no que foi elixido membro da súa dirección.
Boa parte do texto lido estivo dedicada igualmente a trasladar aquellas posicións políticas ao presente. Os seus autores defenderon a vixencia da loita obreira, criticaron o sistema capitalista e reivindicaron unha sociedade sen clases, sen explotadores nin explotados, sen opresores nin oprimidos.
Máis alá do contido político do comunicado, o acto tivo como elemento central a lembranza dunha persoa estreitamente vinculada ao barrio de Teis. O propio texto explicaba o significado de celebrar alí a homenaxe:
«El pertence ao pobo e ten que estar entre o pobo, entre a súa xente, no seu barrio.»
A elección da Praza do Mercado pretendía precisamente manter ese vínculo co lugar no que Abelardo vivira e coas persoas do barrio.
Tras a lectura do comunicado, as persoas asistentes compartiron varias cancións de carácter obreiro e popular. Entre elas cantouse «A Internacional», en lembranza de Abelardo e das loitas históricas do movemento obreiro.
O encontro transcorreu con normalidade e nun ambiente tranquilo. Non se produciron incidentes e a homenaxe concluíu do mesmo xeito austero co que comezara: persoas reunidas nunha praza, unha placa, unhas palabras pronunciadas en voz alta e unhas cancións compartidas.
O comunicado rematou con tres consignas:
. Viva a loita de clases!
. Honor e gloria a Abelardo!
. Adiante a loita polo comunismo!
Más artículos del autor
⇒ La modélica transición. Sangres de Agosto 1976-1982
Comparte este artigo, os teus amigos o agradecerán…
Mastodon: @LQSomos@; Friendica: Loquesomos;
UpScrolled: @LQSomos; Telegram: LoQueSomosWeb;
Bluesky: LQSomos; Facebook: LoQueSomos;
Instagram: LoQueSomos; WhatsApp: LoQueSomos;
Youtube: @LoquesomosAudiovisual
A pesar da insidia do autor da modificación, a placa orixinal leva o logotipo e as siglas do PCE(r), o Partido Comunista de España (reconstituído), que é o partido do que foi dirixente Abelardo, o partido polo que deu a súa vida, o que convocou esta homenaxe e o que se nomeou expresamente nese comunicado.
Isto non é só unha porcallada, é unha mostra máis de que o hábito non fai ao monxe, e que o termo comunista non só lles queda grande, senón que se dedican a ensucialo con malas mañas.